საქართველოს შინაგან საქმეთა სამინიტროს ინფორმაციით, სომხეთიდან საქართველოს საზღვრის უკანონო კვეთის ბრალდებით დაკავებულია 7 ადამიანი.
უწყების ინფორმაციით, 3 მათგანი ბანგლადეშის, ასევე 3 ინდოეთის, ხოლო ერთო იემენის რესპუბლიკის მოქალაქეა.
"გამოძიებამ დაადგინა, რომ ბრალდებულებმა, სასაზღვრო-საკონტროლო გამტარი პუნქტის გვერდის ავლით, სომხეთის რესპუბლიკიდან ჯგუფურად, უკანონოდ გადმოკვეთეს საქართველოს სახელმწიფო საზღვარი", - ამბობენ შსს-ში.
უწყების ინფორმაციითვე, გამოძიება საქართველოს სისხლის სამართლის კოდექსის 344-ე მუხლის მეორე ნაწილის "ა" ქვეპუნქტით, სახელმწიფო საზღვრის უკანონოდ, ჯგუფურად გადაკვეთის ფაქტებზე მიმდინარეობს. ჩადენილი დანაშაული 4-დან 5 წლამდე ვადით თავისუფლების აღკვეთას ითვალისწინებს.
