ქველმოქმედება

ჯეფ და მაკენზი ბეზოსები 2018 წლის ყველაზე დიდი ქველმოქმედები არიან

0 კომენტარი
ჯეფ და მაკენზი ბეზოსები

ჯეფ და მაკენზი ბეზოსებმა გასულ წელს ქველმოქმედებაში ყველაზე მეტი ფული დახარჯეს. ჟურნალ The Chronicle of Philantropy-ს თანახმად, Amazon-ის დამფუძნებელმა და მისმა ცოლმა $2 მილიარდი გადარიცხეს ორგანიზაციებში, რომლებიც უსახლკარო ოჯახებს ეხმარება. 

იანვარში წყვილმა განაცხადა, რომ განქორწინებას გეგმავენ, თუმცა, პროექტებში და საქველმოქმედო საქმიანობაში პარტნიორებად დარჩებიან. 

The Chronicle of Philantropy-ს მიერ გამოქვეყნებულ 50 ყველაზე დიდი დონორის სიაში მყოფმა ადამიანებმა წელს 50%-ით ნაკლები ფული შესწირეს, ვიდრე შარშან. მსოფლიოს ტოპ 50 დონორის შეწირულობები 2017 წელს $14.7 მილიარდი იყო, ხოლო 2018 წელს $7.8 მილიარდი. 

ბილ და მელინდა გეიტსებმა, რომლებმაც 2017 წელს სიაში პირველობა $4.8 მილიარდის შეწირულობით მოიპოვეს, 2018 წელს მეთორმეტე ადგილას გადაინაცვლეს. 2018 წელს მათ ქველმოქმედებაში $138 მილიონი დახარჯეს. მარკ ცუკერბერგი და პრისცილა ჩანი, რომლებმაც 2017 წელს $2 მილიარდი გასცეს და მეორე ადგილზე იყვნენ, 2018 წელს მეშვიდე ადგილას გადაინაცვლეს, რადგან $213.6 მილიონი შესწირეს.

ახალი ვიდეო მეტი ვიდეო

თინათინ წულაძე

კომენტარები