რუსთავის ეპარქია სასულიერო პირების გარჩევის ვიდეოს ასაჯაროებს. ბერი გაბრიელის ბრალდებებს რუსთავის ეპარქიაში "ცილისმწამებლურ მითქმა-მოთქმას" უწოდებენ.
"დაე, საზოგადოებამ თუ მრევლმა თვითონ განსაჯოს მტყუან-მართალი" - აცხადებს რუსთავის ეპარქია.
ცნობისთვის, ბერი გაბრიელი ამბობს, რომ რუსთავის ეპარქიაში სასულიერო პირებმა სცემეს. რუსთაველი მიტროპოლიტი მეუფე იოანეს მტკიცებით კი, ბერი გაბრიელი წაიქცა. დაპირისპირება რუსთავის ეპარქიაში, პეტრე-პავლეს სახელობის მამათა მონასტერში მოხდა.
