ჩილეში მცირე ზომის თვითმფრინავი საცხოვრებელ სახლს დაეცა.
Agence France-Presse-ის ინფორმაციით, შემთხვევას 6 ადამიანის სიცოცხლე ემსხვერპლა. არსებული ინფორმაციით, ყველა დაღუპული თვითმფრინავის მგზავრი იყო.
ტრაგედია ქალაქ პუერტო-მონტში მოხდა. ავიაკატასტროფის შემდეგ ადგილზე ხანძარი გაჩნდა, რომელმაც მიმდებარე ტერიტორიაზე არსებული შენობების ნაწილიც დააზიანა.
თვითმფრინავის დაცემის დროს სახლში არავინ იმყოფებოდა. ავიაკატასტროფის მიზეზი უცნობია, დაწყებულია გამოძიება.
