ქუთაისში, რამდენიმე ქუჩაზე, ავტოტრანსპორტის მოძრაობა ერთი დღით იკრძალება. შსს მიზეზად ქუთაისობის დღესასწაულს ასახელებს.
- 1 მაისის 22:00 საათიდან, 2 მაისის 21:00 საათამდე ავტოტრანსპორტის მოძრაობა გადაიკეტება შემდეგ ქუჩებზე: პირველი სკოლის მიმდებარე ტერიტორიიდან ცისფერყანწელების, პუშკინის და წმინდა ნინოს ქუჩებზე (მე-3 სკოლის მიმართულებით).
- 2 მაისის 09:00 საათიდან, მოძრაობა დაიკეტება ცენტრალურ მოედანზე და მასთან მისასვლელ ქუჩებზე, კერძოდ: წერეთლის, თამარ მეფის, გელათის და ფალიაშვილის ქუჩებზე.
- 2 მაისს 03:00 საათიდან 19 საათამდე გადაიკეტება ირ.აბაშიძის გამზირი, 9 აპრილის და შარტავას ქუჩების კვეთიდან.
"ყველა ჩამოთვლილ ქუჩაზე საავტომობილო მოძრაობა ღონისძიებების
დასრულებისთანავე სრულად აღდგება" - აცხადებს შსს.
