ფასიანი განთავსება

"იქნებ თავის მოკვლა მინდა" - ყაზტრანსგაზის ცნობით, აბონენტი სპეციალისტს სახლში არ უშვებდა

თბილისის გაზგამანაწილებელი კომპანიის ინფორმაციით, მაისში, დედაქალაქის მასშტაბით, განმეორებითი შემოწმების შემდეგ, 3828 აბონენტს ქსელიდან ჩაუჭრეს ღია კამერიანი აკრძალული წყლის გამაცხელებლები, ე.წ. კალონკები.

ყაზტრანსგაზის ცნობით, "ყველაზე მეტი დარღვევა სამგორის რაიონში დაფიქსირდა, სადაც გაზის სპეციალისტებმა 891 აბონენტს განმეორებით ჩაუჭრეს კუსტარულად დამონტაჟებული მკვლელი, ღია კამერიანი წყალგამაცხელებელი".

"მათ ერთხელ უკვე ჩაჭრილი ჰქონდათ მკვლელი გაზდანადგარები, თუმცა თვითნებურად დააერთეს ქსელზე, რითაც საფრთხე შეუქმნეს როგორც საკუთარი ოჯახის წევრებს, ისე კორპუსში მცხოვრებ სხვა ადამიანებსაც.

ისანსა და ვაზისუბანში 605 აბონენტს ჩაუჭრეს მკვლელი დანადგარი ქსელიდან, გლდანში - 427-ს, სანზონაში- 374-ს, ჩუღურეთში - 269-ს, დიდუბეში - 249-ს, საბურთალოზე - 231-ს, კრწანისში - 227-ს, ნაძალადევის რაიონში 138 მკვლელი დანადგარი ჩახსნეს ქსელიდან, ნუცუბიძეზე - 103, მთაწმინდაზე - 125, დიღომში - 98, ვაკეში - 75 და წყნეთში - 16" - აცხადებს კომპანია და იმ ვიდეომასალას ავრცელებს, რომელიც განმეორებითი შემოწმებისას არის გადაღებული.

"ერთ-ერთი აბონენტი კი, რომელიც გაზის სპეციალისტებს არ აძლევდა უფლებას, ქსელიდან ჩაეჭრათ კუსტარულად დამონტაჟებული ღია კამერიანი მკვლელი დანადგარი, ამბობს, რომ მას აქვს უფლება, სახლში ჰქონდეს მკვლელი დანადგარი" - აცხადებს ყაზტრანსგაზი.

კომენტარები