გუშინ, თბილისის "ლოკომოტივსა" და ქუთაისის "ტორპედოს" მატჩების დაწყებამდე ანტისაოკუპაციო მაისურები ეცვათ.
"ჩვენ საქართველოდან ვართ და ჩვენი ქვეყნის 20%-ზე მეტი რუსეთს აქვს ოკუპირებული", "გვახსოვს, რომ საქართველოს 20% ოკუპირებულია" - ასეთი წარწერების მქონე აისურებით, ფეხბურთელებმა მხარი დაუჭირეს პარლამენტის წინ გამმართულ ანტისაოკუპაციო აქციებს.
გუშინ, აქციის მონაწილეების პროტესტს მხარი "ლოკომოტივის" ფეხბურთელებმა ოთო კობახიძემ და დავით ჯიქიამ სხვა ფორმითაც დაუჭირეს - მათ მატჩის მიმდინარეობისას ცალ თვალზე ხელი აიფარეს.
შეგახსენებთ, რომ 20 ივნისს მოქალაქეები პარლამენტის წინ თბილისში რუსი დეპუტატების სტუმრად ჩამოყვანის გამო შეიკრიბნენ. რამდენიმე საათში პოლიციამ აქციის დაშლა ცრემლსადენი გაზით, რეზინის ტყვიებითა და წყლის ჭავლით დაიწყო. სპეცრაზმის მიერ ნასროლი რეზინის ტყვიების შედეგად აქციის რამდენიმე მოქალაქემ თვალი დაკარგა. მეორე დღეს აქციის სხვა მონაწილეები რუსთაველის გამზირზე ახვეული თვალით მივიდნენ.