პატრიოტთა ალიანსი პარლამენტთან აქციას არ აპირებს - ამის შესახებ პარტიის წევრმა გოჩა თევდორაძემ თქვა.
თევდორაძე ტაბულასთან საუბარში ამბობს, რომ ჩატარდა მსვლელობა, რითაც "ელგებეტე" პროპაგანდა და რუსთავი 2-ის "პროვოკაციები" გააპროტესტეს.
"ეს იყო ხმოვანი საყვირების აქცია, ფილარმონიიდან დაწყებული თავისუფლების მოედნის ჩათვლით. 5 საათიდან იყო, 10 წუთი გაგრძელდა და უკვე დასრულდა, თორემ პარლამენტის წინ აქციაზე მისვლა არც ყოფილა დაგეგმილი",- უთხრა თევდორაძემ ტაბულას.
მისივე თქმით, ეს აქცია პარალელურად მიმდინარეობდა გორში, თელავში და ზუგდიდში.
ცნობისთვის, რამდენიმე წუთის წინ აქცია "სირცხვილიას" ერთ-ერთმა ორგანიზატორმა facebook-ზე დაწერა, რომ პატიორტთა ალიანსის აქტივისტები პარლამენტთან აქციის ჩასატარებლად მივიდნენ.
