განათლება

სკოლებში სწავლა 16 სექტემბერს დაიწყება, რამდენიმე სკოლაში, შესაძლოა, ორი კვირით გვიან

0 კომენტარი

განათლების, მეცნიერების, კულტურისა და სპორტის სამინისტრო სკოლებში სასწავლო წლის დაწყებასთან დაკავშირებით ინფორმაციას ავრცელებს.

უწყებაში ამბობენ, რომ საგანმანათლებლო დაწესებულებებში სასწავლო პროცესი 16 სექტემბერს დაიწყება, 20-მდე სკოლაში კი, შესაძლოა, ორი კვირით გვიან.

"მიმდინარე სარეაბილიტაციო სამუშაოებიდან გამომდინარე, საქართველოს მასშტაბით სასწავლო პროცესის დაწყების თარიღმა ერთეულ შემთხვევებში (20-მდე სკოლაში) შესაძლოა ორი კვირით მხოლოდ გადაიწიოს. ასეთ სკოლებში, გაკვეთილები შესაბამისი საგაკვეთილო ცხრილით შაბათი დღის ხარჯზე ანაზღაურდება. აღნიშნულის შესახებ, მშობლების ინფორმირებას სამინისტროს ინსტრუქციის საფუძველზე, სკოლების ადმინისტრაცია უზრუნველყოფს", - ამბობენ უწყებაში.

ამასთან, სამინისტრო ავრცელებს ინფორმაციას სკოლების რეაბილიტაციის შესახებაც. უწყების ცნობით, რეაბილიტაცია მთელ საქართველოში, 700-მდე სკოლაში განხორციელდა.

ახალი ვიდეო მეტი ვიდეო

VIDEO: რუსი ჟურნალისტი, ალეკსანდრ ნევზოროვი განდაგანას ფონზე მაისურს GEORGIA-ს აწერს

კომენტარები