2019 წელი საქართველოს ტურისტული ინდუსტრიისთვის რეკორდული იყო. წინა წელს საქართველოში რეკორდული რაოდენობის საერთაშორისო მოგზაურების ვიზიტები განხორციელდა.
2019 წელს საქართველოში 9,357,964 საერთაშორისო მოგზაურთა ვიზიტი შედგა, რაც წინა წლის მაჩვენებელს 7.8%-ით აღემატება. გასული წელი რეკორდული იყო, ასევე, უშუალოდ საქართველოში შემოსული ტურისტების რაოდენობითაც. წინა წელს საქართველოს 5 მილიონზე მეტი ტურისტი ეწვია.
ამავდროულად, წინა წელს გაიზარდა საქართველოს აეროპორტების მგზავრთა ნაკადიც. ქვეყნების ჩამონათვალი, საიდანაც საქართველოს 2019 წელს ყველაზე მეტი ვიზიტორი ეწვია შემდეგნაირად გამოიყურება:
- აზერბაიჯანი — 1,5 მილიონი, ზრდა — 7%;
- რუსეთი — 1,47 მილიონი, ზრდა — 4,5%;
- სომხეთი — 1,36 მილიონი, ზრდა —7,5%;
- თურქეთი — 1,1 მილიონი, ზრდა — 5%;
- საქართველო [არარეზიდენტი] — 488 ათასი, ზრდა — 2,6%;
- უკრაინა — 207 ათასი, ზრდა — 17%;
- ისრაელი — 205 ათასი, ზრდა — 30%;
- ირანი — 142 ათასი, კლება — 51%;
- ყაზახეთი — 103 ათასი, ზრდა — 75%;
- გერმანია — 89 ათასი, ზრდა — 38%.
მოგზაურების გაზრდილი რაოდენობა შესაბამისად აისახა ტურიზმიდან მიღებულ შემოსავლებზეც. ეროვნული ბანკის მონაცემებით 2019 წელს ტურიზმიდან მიღებულმა შემოსავალმა რეკორდული 3,26 მილიარდი დოლარი შეადგინა, რაც წინა წლის მაჩვენებელს 1,4%-ით აღემატება.