სამხრეთ კორეაში, კორონავირუსისგან გამოჯანმრთელებულთა რიცხვმა ინფიცირებულთა რაოდენობას გაუსწრო.
სამხრეთ კორეაში COVID-19-სგან 4 811 ადამიანი გამოჯანმრთელდა, ქვეყანაში 4 523 ინფიცირებული პირია. 20 იანვრიდან, ქვეყანაში კორონავირუსის პირველი შემთხვევის დაფიქსირების დღიდან, ეს პირველად მოხდა.
"კიდევ დიდი გზა გვაქვს გასავლელი, თუმცა 50% გამოჯანმრთელების მაჩვენებელი პატარა მიღწევაა, რომელიც ჩვენმა საზოგადოებამ უნდა იზეიმოს", - თქვა ჯანდაცვის მინისტრმა.
ყველაზე ასაკოვანი ადამიანი, რომელიც სამხრეთ კორეაში კორონავირუსისგან გამოჯანმრთელდა, 96 წლის ჰვონგია. ის ქალაქ ჩენგდოში, ახლა თვითიზოლაციაში იმყოფება.
სამხრეთ კორეაში, კორონავირუსით, ჯამში, 9 478 ადამიანი დაინფიცირდა, მათგან 4 811 გამოჯანმრთელდა. გარდაიცვალა 144 ადამიანი.
