დანიის მთავრობას სურს, რომ 11 მაისიდან სავაჭრო ცენტრები, კაფეები, რესტორნები გაიხსნას. ასევე, შეზღუდვების შემსუბუქების შეთავაზება სკოლებში უფროსი კლასის მოსწავლეების დაბრუნებას მოიცავს.
მთავრობა ოპოზიციურ პარტიებს გეგმის შესახებ უკვე ესაუბრება. მას 10 მაისამდე გაასაჯაროებენ.
პრემიერმინისტრი ფრედერინკსენი იმედოვნებს, რომ ისინი შეთანხმებას მალე მიაღწევენ, რათა შეზღუდვების მოხსნა 11 მაისიდან დაიწყოს.
დანიაში ბაღები და 6-დან 12 წლამდე მოსწავლეებისთვის სკოლები 2 კვირის წინ გაიხნა. 20 აპრილიდან კი სალონების და სხვა მცირე ბიზნესების მუშაობა განახლდა.
ქვეყანაში ყოველდღიურად ახალი დაინფიცირების მაჩვენებელი შემცირებულია. პრემიერმინისტრის განცხადებით, ვირუსის გავრცელებას აკონტროლებენ.
დანია ერთერთი პირველი ქვეყანა იყო, რომელმაც საჯარო შეკრებებზე ზომები გაამკაცრა - სკოლები, რესტორნები, ბარები დახურა.
6 მაისის მონაცემებით, დანიაში ახალი კორონავირუსით დაინფიცირების 9 938 შემთხვევა გამოვლინდა, 506 პაციენტი გარდაიცვალა.
