საქართვეოს ფეხბურთის ფედერაცია

სფფ: ქეცბაიას კონტრაქტი 4-წლიანია და 2015 წლის 12 სექტემბერს დასრულდება

0 კომენტარი
საქართველოს ფეხბურთის ფედერაცია ფოტო: msy.gov.ge

ბოლო პერიოდში პრესაში, თემურ ქეცბაიასა და საქართველოს ფეხბურთის ფედერაციას შორის არსებული კონტრაქტის შესახებ, სხვადასხვა ურთიერთგამომრიცხავი ინფორმაციები ვრცელდებოდა. თავდაპირველად ითქვა, რომ ნაკრების მთავარი მწვრთნელის კონტრაქტი 2+2 სისტემით არის გაფორმებული, შემდეგ კი გავრცელდა ინფორმაცია, რომ მისი ხელშეკრულება 4-წლიანია.

საქართველოს ფეხბურთის ფედერაცია ამ საკითხთან დაკავშირებით სპეციალურ განცხადებას ავრცელებს. ქართული ფეხბურთის მმართველ ორგანოში აცხადებენ, რომ თემურ ქეცბაიას კონტრაქტი 4-წლიანია და ვადა 2015 წლის 12 სექტემბერს ეწურება.

"თემურ ქეცბაიას და სფფ-ის მოქმედი ხელშეკრულება 2011 წლის 12 სექტემბრიდან 2015 წლის 12 სექტემბრამდე აკავშირებს. რაც გულისხმობს მწვრთნელის მუშაობის 4 წელს.

რაც შეეხება აქამდე გავრცელებულ ინფორმაციას - ხელშეკრულების 2+2 წლიანი ვარიანტის შესახებ, ის ხელშეკრულების გაფორმების დღიდან განმარტებული იყო არა როგორც ხელშეკრულების პირობა, არამედ, როგორც ეროვნული ნაკრების სამწვრთნელო შტაბის სამუშაო გეგმა.

აქვე, საქართველოს ფეხბურთის ფედერაციის იურიდიული სამსახური ოფიციალურად განმარტავს: „კონტრაქტის გაფორმების დღიდან  - დღემდე, მასში აღნიშნული ვადები  უცვლელია და არანაირი ახალი კონტრაქტი ან რაიმე სახის შეთანხმება თემურ ქეცბაიასთან არ გაფორმებულა. კონტრაქტი 4 წლიანია და გრძელდება 2015 წლის 12 სექტემბრამდე," - ნათქვამია სფფ-ის განცხადებაში.

არჩევნები 2018

ახალი ვიდეო მეტი ვიდეო

თამუნა აქსანდერი

კომენტარები