ანდრეი ჰუსინი

დაიღუპა უკრაინის ნაკრებისა და კიევის დინამოს ყოფილი ფეხბურთელი ანდრეი ჰუსინი

0 კომენტარი

უკრაინის ნაკრებისა და დინამო კიევის ყოფილი ფეხბურთელი, ანდრეი ჰუსინი 41 წლის ასაკში ავტოკატასტროფაში დაიღუპა, ამის შესახებ ინფორმაციას დინამო კიევის პრესსამსახური ავრცელებს.

შემთხვევა 17 სექტემბერს მოხდა - ჰუსინი, რომელიც ავტოსპორტით იყო გატაცებული, კიევში მდებარე ავტოდრომ ჩაიკაზე მოტოციკლს მაღალი სისწრაფით მართავდა. Gazeta.ru-ს ცნობით, ყოფილი ფეხბურთელმა წრიულ ზოლზე გასვლისას საჭე ვერ დაიმორჩილა და მოტოციკლიდან გადმოვარდა. ჰუსინი ადგილზე გარდაიცვალა.

შეგახსენებთ, რომ ანდრეი ჰუსინი კიევის დინამოს რიგებში 7-ჯერ გახდა უკრაინის ჩემპიონი, 4-ჯერ მოიპოვა ქვეყნის თასი, კლუბთან ერთად მონაწილეობა მიიღო უეფას ჩემპიონთა ლიგის ნახევარფინალურ მატჩში. ჰუსინი 10 წლის განმავლობაში იცავდა უკრაინის ეროვნული ნაკრების რიგებს, რომლის რიგებშიც 71 შეხვედრაში 9 გოლი გაიტანა. 

საფეხბურთო კარიერის შემდეგ, ჰუსინინი დინამო 2-ს თავკაცობდა, მუშაობდა სამარის კრილია სოვეტოვსა და მახაჩკალის ანჟიში. გასულ წელს, ვეტერანი ფეხბურთელი თბილისში, ყოფილი თანაგუნდელის, კახა კალაძის გამოსათხოვარ მატჩშიც მონაწილეობდა.

ეს წლეულს კიევის დინამოს ფეხბურთელის დაღუპვის პირველი შემთხვევა არ არის - აგვისტოში კლუბის ორი ყოფილი ფეხბურთელი - ანდრეი ბილი და ვალენტინ ბელკევიჩი გარდაიცვალნენ.

არჩევნები 2018

ახალი ვიდეო მეტი ვიდეო

იოკო ონომ ჯონ ლენონის Imagine-ის ახალი ვერსია გამოუშვა

კომენტარები