2013 წელთან შედარებით მრეწველობაში წარმოების ფასები 5.2%-ით გაიზარდა. განსაკუთრებით მაღალი ზრდა მსუბუქ მრეწველობაში თამბაქოს წარმოების 10%-იანი გაძვირებით დაფიქსირდა.
სამრეწველო სექტორების მიხედვით ყველაზე დიდი ზრდა შეინიშნება ავეჯის, საიუველირო ნაკეთობათა და სხვა სახის სამრეწველო წარმოებაში, რომლის ფასებიც წინა წელთან შედარებით 32%-ით არის გაზრდილი. საქსტატზე დაყრდნობით, ზრდა ნედლეულზე ფასების მატებას უკავშირდება.
საქსტატის ცნობით 2014 წლის აგვისტოში 2014 წლის ივლისთან შედარებით სამრეწველო პროდუქციის მწარმოებელთა ფასების ინდექსი 0.3%-ით შემცირდა. მაჩვენებელი გასული წლის ანალოგიურ შედეგს 3.8%-ით აღემატება.
დამამუშავებელ მრეწველობაში აგვისტოს თვეში ივლისთან შედარებით ფასები შემცირდა 0.3%-ით, რაც მეტალურგიული პროდუქტების ფასების 2.7%-ით შემცირებამ გამოიწვია. ხოლო მსუბუქი მრეწველობის სექტორში ფასები ივლისთან შედარებით 0.4%-ით გაიზარდა, ასევეა გაზრდილი ფასები თამბაქოსა და საკვები მრეწველობის სექტორებში.
ზოგიერთ სექტორში წინა წელთან შედარებით ფასების შემცირებაც დაფიქსირდა 10.7%-ით ფასები შემცირებულია ცელულოზა ქაღალდის წარმოებაში.წინა წელთან შედარებით ფასები 1.7%-ით შემცირებულია ელექტროენერგიის, აირისა და წყლის წარმოება და განაწილების სექტორში.
