დაბალბიუჯეტიანი ავიაკომპანია Wizz Air ქუთაისიდან ბუდაპეშტის მიმართულებით კვირაში ორ რეისს შეასრულებს. ფრენა ბუდაპეშტის მიმართულებით ოთხშაბათსა და კვირას განხორციელდება.
ბილეთის ფასი ერთი მიმართულებით 30-დან 90 ევრომდე მერყეობს. საქართველოდან წასულ მგზავრს მოგზაურობა ორივე მიმართულებით საშუალოდ 90-100 ევრო დაუჯდება.
პირველი ავიარეისი Wizz Air-ის ხომალდმა 30 სექტემბერს შეასრულა.
Wizz Air პირველი დაბალბიუჯეტიანი ავიაკომპანიაა, რომელმაც ქუთაისის საერთაშორისო აეროპორტიდან ავიარეისების შესრულება 2012 წელს, ქუთაისის საერთაშორისო აეროპორტის გახსნის დღეს დაიწყო. პირველი ავიარეისი Wizz Air-მა ქუთაისის საერთაშორისო აეროპორტიდან კიევის მიმართულებით შეასრულა, რასაც მოჰყვა ვარშავა, კატოვიცე, ლვოვი, ხარკოვი, დონეცკი, ვილნიუსი, მოსკოვი, თელავივი სხვადასხვა ავიაკომპანიების შესრულებით.
