ყაზტრანსგაზ თბილისის ინფორმაციით, ვაკისა და საბურთალოს რაიონების ნაწილს გაზმომარაგება დროებით შეუწყდება.
საბურთალოს რაიონში მდებარე გაზსადენზე დაგეგმილი სარეკონსტრუქციო სამუშაოს გამო დღეს, 11.00-დან 18.00 საათამდე ბუნებრივი აირის მიწოდება შეუწყდება მ. კოსტავას ქუჩის N 75-ს, აგრეთვე - ფიზკულტურის, ვ. ბოჭორიშვილის, გ. მიროტაძის, პ. ასლანიდის (ყოფ. ალმასიანის), ბ. კვერნაძის (ყოფ. აკურის), ტყვარჩელისა და საგარეჯოს ქუჩების ნაწილს (სულ - 1200-მდე აბონენტს).
ასევე, 13-14 ივნისის სტიქიის შედეგად ბავშვთა ქალაქ "მზიურში" დაზიანებული გაზსადენის რეაბილიტაციის გამო დღეს, 11.00-დან 18.00 საათამდე ბუნებრივი აირის მიწოდება შეუწყდება ი. ჭავჭავაძის გამზირის N 17, 23, 27, 33, 33-ა, 35, 37 შენობებს; ასევე - ნ. რამიშვილის, ვლ. გაბაშვილის, თ. აბულაძის, ნ. ყიფშიძის ქუჩებსა და "მზიურში" მდებარე პოლიციის შენობას (სულ - 2300-მდე აბონენტს).
"შპს "ყაზტრანსგაზ-თბილისი" ბოდიშს უხდის თავის აბონენტებს დისკომფორტისთვის და მიუწოდებს მათ, არ დატოვონ უყურადღებოდ გაზის დანადგარები, ხოლო ონკანები იქონიონ დაკეტილ მდგომარეობაში", - აცხადებს ორგანიზაცია.