წულუკიანი ჟურნალისტებს: გგონიათ, რომ ყოველთვის ერთი კაცი უნდა წყვეტდეს საკითხებს

ყველაფერს წყვეტდა ხოლმე ერთი კაცი, რომელიც ახლა მოხეტიალე ქართველი პოლიტიკოსის სახელით არის მსოფლიოში ცნობილი. ინერციით გრძელდება და გგონიათ, რომ ყოველთვის ერთი კაცი უნდა წყვეტდეს საკითხებს, ჩვენი ხელისუფლების პირობებში ხშირად ასე არ არის და ამ შემთხვევაშიც, ის აღმასრულებელი თემა, რაც იყო, ჩვენ განვიხილეთ და მივედით იმ დასკვნამდე, რომელიც გუნდის საერთო პოზიციაა და ეს იყო ჯანსაღი პროცესი

იუსტიციის მინისტრი თეა წულუკიანი კითხვაზე, ხელისუფლებასთან "გაურკვევლობის მოგვარებაში" ჩაერია თუ არა ბიძინა ივანიშვილი. ცნობისთვის, თეა წულუკიანის გადადგომის შესახებ რამდენჯერმე გავრცელდა ინფორმაცია. ის ცოტა ხნის წინ ამბობდა, რომ გარკვეულ საკითხზე ხელისუფლებასთან უთანხმოება ჰქონდა და ერთი კვირის ვადაში გადაწყვეტდა, დატოვებდა თუ არა თანამდებობას. თეა წულუკიანმა 12 მარტს გამართულ ბრიფინგზე განაცხადა, რომ პოზიციები შეაჯერეს და თემა ამოწურულია. შესაბამისად, ის თანამდებობას აღარ დატოვებს.
მოკლე ბმული: