კოსტავა: ყველა მეუბნება, შეცდომა ვის არ დაუშვია, გოგო, რას შვები, არ მიგვატოვო

ქუთაისის საკრებულოს ქართული ოცნების დეპუტატმა ნანა კოსტავამ მანდატის დატოვება გადაიფიქრა. კოსტავამ ტელეკომპანია იმედთან სატელეფონო ინტერვიუში თქვა, რომ საკრებულოდან წასვლის შესახებ გადაწყვეტილებას "ამომრჩევლის თხოვნის გამო" ცვლის. შეგახსენებთ, რომ ქუთაისის საკრებულოში ქართული ოცნების დეპუტატმა 30 მაისს იმ გოგოს ვიდეო გააზიარა, რომელსაც რამდენიმე დღის წინ ლაგოდეხში მომხდარი უბედური შემთხვევის დროს არასრულწლოვანი და დაეღუპა. ვიდეოში გოგოს თითზე პრეზერვატივი აქვს გაკეთებული, რითიც კომპანია "აიისას" საქმეზე მოსამართლე ლევან მურუსიძის გადაწყვეტილებას აპროტესტებს. კოსტავამ აღწერაც დაურთო პოსტს: "კაი დღეში ხარ ახლა, იცინე!".