ირაკლი კობახიძის საცოდაობით ვიწვი. გულახდილად გეუბნებით. უკანასკნელ პერიოდში მეორეჯერ უწევს იმის გაკეთება რისი გაკეთებაც არ უნდა. ერთხელ თავმჯდომარეობა დაატოვებინეს, ბიძინა ივანიშვილმა უკარნახა, წადი ახლა თორემ ხალხი მოგვადგაო და მეორეჯერ გუშინ თქვა ის რაც არ უნდა ეთქვა და აი დღეს გამოიყვანეს ადამიანი, რომელიც მაგონებს, შეურაცხყოფის და პირადული განზრახვის გარეშე, თავდასხმის გარეშე, დაქოქილი თოჯინა, უკან რომ აქვს, ბავშვობაში ვქოქავდით, ვქოქავდით და მერე გავუშვებით და ერთი წუთი აკეთებდა ერთიდაიგივე მოძრაობას. აი ასეთი ადამიანია ბატონი კობახიძე..
გუშინ 45% დაასახელა და გაბერა. ყოველი 10 ამომრჩევლიდან 4 ჩვენიაო და ჩვენ ხომ ვიცით რომ აქედან 2 ნათესავი ან საჯარო მოხელეა. ამ პირობებშიც კი ეს არის უპირობო მარცხი... ხელისუფლებას უმძიმესი მდგომარეობა აქვს და ეს 45% ფანტასტიკის სფეროა. ეს პერიპეტიები რაც კობახიძის თავს ვხედავთ, გავფიქრებინებს, რომ ხელისუფლება არის შოკში.