სპორტისა და ახალგაზრდობის საქმეთა სამინისტროში, ლევან ყიფიანი საქართველოს ძიუდოისტთა ახალგაზრდული ნაკრების წევრებს შეხვდა.
ლიუბლიანაში გამართულ მსოფლიოს ჩემპიონატზე, ქართველმა ძიუდოისტებმა გუნდური ჩათვლის ფინალში საბერძნეთის ნაკრები ანგარიშით - 4:1 დაამარცხეს და ოქროს მედლები მოიპოვეს.
ქართველებმა წარმატებას ინდივიდუალურადაც მიაღწიეს. ბექა ღვინიაშვილი ოქროს, ხოლო ლევან მატიაშვილი და ლერი ჭელიძე ბრინჯაოს მედლებს დაეუფლენ.