ციხის სკანდალური კადრების ავტორი ვლადიმერ ბედუკაძე პოლიტიკურ გადაცემას წაიყვანს. ბედუკაძის თქმით, გადაცემა "ერთ-ერთი ჩვენი ჩრდილოელი მეზობლის პროექტის მსგავსი" იქნება.
რუსთავი 2-თან საუბარში ბედუკაძემ თქვა, რომ ახალი გადაცემა, სავარაუდოდ, ტელეკომპანია თბილისი 24-ის ეთერში გავა.
თბილისი 24-მა მაუწყებლობის უფლება მარეგულირებელი კომისიისგან დღეს მიიღო.
კომპანია კერძო საერთო ტელემაუწყებლობის დაწყებას მიმდინარე წლის 31 დეკემბერს გეგმავს.
