ეროვნულ დემოკრატიული ინსტიტუტის ახალი კვლევის თანახმად, გამოკითხულთა მხოლოდ 3% მიიჩნევს, რომ საქართველოს ამჟამინდელი ეკონომიკური მდგომარეობა კარგია.
კითხვაზე, როგორ შეაფასებდით საქართველოს ამჟამინდელ მდგომარეობას, 57% პასუხობს, რომ "ცუდად". ეს მაჩვენებელი 2016 წლის მარტში - 66% იყო.
გამოკითხულთა 38% ქვეყნის ეკონომიკურ მდგომარეობას "საშუალოდ" აფასებს.
კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2,409 პირისპირ ინტერვიუს წარმომადგელობითი შერჩევის საფუძველზე. საშუალო ცდომილების ზღვარი 1.9%-ია.
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.