პრეზიდენტობის ქართული ოცნების მიერ მხარდაჭერილ კანდიდატს სალომე ზურაბიშვილს 5-25 სექტემბრის პერიოდში, 84-მა მოქალაქემ 30 თეთრი გადაურიცხა. ამ პერიოდში, სალომე ზურაბიშვილს სულ 92 შემომწირველი ჰყავდა. კამპანიის - "ნუ ყიდი საქართველოს 30 ვერცხლად" - ფარგლებში, მოქალაქეები ზურაბიშვილს სიმბოლურ 30 თეთრს 14 სექტემბრიდან ურიცხავდნენ.
დარჩენილი 8 შემომწირველიდან, ერთმა სალომე ზურაბიშვილს ასევე სიმბოლური 5 თეთრი გადაურიცხა.
პოლიტიკური შემოწირულობების შესახებ ინფორმაცია თავად პრეზიდენტობის ქართული ოცნების მიერ მხარდაჭერილმა კანდიდატმა თავის Facebook-გვერდზე გაასაჯაროვა.
სალომე ზურაბიშვილის ყველაზე მსხვილი შემომწირველები (50 000 - 50 000 ლარი) ბიზნესმენები ვახტანგ ლაღიძე და დავით თოფურიძე არიან.
ზურაბიშვილი პრეზიდენტობისთვის კენჭს დამოუკიდებელ კანდიდატად იყრის, თუმცა, მას მხარს მმართველი პარტია, ქართული ოცნება უჭერს.
საქართველო რიგით მეხუთე პრეზიდენტს 28 ოქტომბერს აირჩევს.
![კალაძე: ჩვენც ვერ გავიგეთ, [აშშ მოწინააღმდეგეა თუ პარტნიორი]](https://api.tabula.ge/files/styles/news_thumb_md/public/photos/2024/02/b26u1423.jpg?h=e4de69f8&itok=-mYYX1kN)
