ლეგენდარულმა ამერიკელმა მომღერალმა, ტინა ტერნერმა მუსიკალური კარიერა ოფიციალურად დაასრულა.
81 წლის მომღერალი თაყვანისმცემლებს დოკუმენტური ფილმის, Tina-ს მეშვეობით დაემშვიდობა.
"მსურს, ჩემი ცხოვრების მესამე და დასკვნით თავზე გადავიდე. ჩამოვშორდე საყოველთაო ყურადღებას". – ამბობს მომღერალი.
ტერნერმა ასევე აღნიშნა, რომ კარიერის გაგრძელებაში ჯანმრთელობა ხელს აღარ უწყობს. მომღერალს გადატანილი აქვს ინსულტი, დამარცხებული ჰყავს ონკოლოგიური დაავადება. გარდა ამისა, პოსტრავმატული სტრესული აშლილობა სჭირს - წლების განმავლობაში მასზე ძალადობდა ყოფილი ქმარი, მუსიკოსი და პროდიუსერი აიკ ტერნერი.
8 გრემის მფლობელი მუსიკოსის შესახებ გადაღებული HBO-ს დოკუმენტური ფილმი მიმდინარე წლის 28 მარტს გამოვა.
