უკრაინაში, კიევში თავს დაესხნენ და ფიზიკურად გაუსწორდნენ უკრაინის გენერალური პროკურორის, ირინა ვენედიქტოვას მრჩეველსა და საქართველოს ყოფილ იუსტიციის მინისტრს, ზურაბ ადეიშვილს.
უკრაინული მედიის ცნობით, ადეიშვილს უცნობმა პირებმა ქუჩაში სცემეს, რაც დაკავშირებული უნდა იყოს მის საქმიანობასთან საქართველოში.
ადეიშვილის მდგომარეობა დამაკმაყოფილებელია, ის ჰოსპიტალიზებულია და ექიმების ყურადღების ქვეშ იმყოფება.
უკრაინის პოლიციის ცნობით, ადეიშვილს თავს დაესხა ოთხი პირი, ის ცემეს და შემდეგ შემთხვევის ადგილიდან მიიმალნენ. პოლიცია თავდამსხმელების ვინაობის გარკვევას ცდილობს.
ზურაბ ადეიშვილი საქართველოს იუსტიციის მინისტრის თანამდებობას 2008-2012 წლებში იკავებდა.
2021 წელს ზურაბ ადეიშვილს ე.წ. ციხის კადრებთან დაკავშირებით საქართველოს პროკურატურამ პატიმრობა დაუსწრებლად შეუფარდა.
