მოლოდინი: ჟვანია წამოჯდა და მითხრა, ჩემს მკვლელს ნუ ეძებთ, მიშამ მომკლაო

ზურაბ ჟვანიას გარდაცვალების პირველივე წუთებიდან მჯერა, რომ ის მოკლულია. ამ ათი წლის განმავლობაში, ზურა არაერთხელ დამსიზმრებია, ყოველთვის ერთსა და იმავე მდგომარეობაში-მორგში. ერთხელ მესიზმრა, რომ წამოჯდა და მითხრა, ჩემს მკვლელს ნუ ეძებთ, მიშამ მომკლაო. დილით ცუდ გუნებაზე გამეღვიძა. ზუსტად იმ დღეს ზურა ცქიტიშვილის დაბადების დღე იყო. საღამოს მივედი, სააკაშვილიც იქ იყო. დამინახა თუ არა, დამიძახა-მოდი, აქ დაჯექიო. ისე დავიბენი, ერთ ადგილზე დავიწყე ტრიალი. ზურას მეუღლემ, ნინომ დამიძახა-მარინა, პრეზიდენტმა დაგაბნიაო? ნინოს გვერდით მივუჯექი და ვუპასუხე-პრეზიდენტმა კი არა, ზურას სიზმარმა დამაბნია-მეთქი.