საუდის არაბეთის სამეფო ოჯახის ტახტის მემკვიდრე, პრინცი ნაიეფი ჟენევის სავადმყოფოში გარდაიცვალა. 78 წლის პრინცი ნაიეფი ტახტის მემკვიდრეთა რიგში პირველი იყო.
როგორც ცნობილია, ტახტის მემკვიდრე მრავალი თვის განმავლობაში გადიოდა მკურნალობის კურსს შვეიცარიაში.
პრინცი ნაიეფი 1975 წლიდან ქვეყნის შინაგან საქმეთა მინისტრი იყო.
საუდის არაბეთის მეფე აბდულის ცნობით, პრინცს კვირას მექაში დაკრძალავენ.
საუდის არაბეთის ტახტის მემკვიდრის გარდაცვალებასთან დაკავშირებით, მწუხარება გამოთქვეს აშშ-ს პრეზიდენტმა ბარაკ ობამამ და ვიცე პრეზიდენტმა ჯო ბაიდენმა.
