კიევში სექსუალური უმცირესობის უფლებადამცველთა მსვლელობის დროს პოლიციამ კონტრაქციის ათამდე მონაწილე დააკავა.
მსვლელობაში, რომელიც სულ 20 წუთს გაგრძელდა, მონაწილეობას 50-მდე LGBT უფლებადამცველი იღებდა. მათ კიევის ცენტრალურ ქუჩაში ტრანსფარანტებითა და ფერადი დროშებით ჩაიარეს. აქციის მონაწილეების უსაფრთხოებას ასობით სამართლადამცავი იცავდა.
აქციის ჩაშლა რამდენიმე ანტი-გეი აქტივისტმა სცადა, თუმცა პოლიციამ ისინი მალევე დააკავა.
24 მაისს კიევის სასამართლომ ნებართვა არ გასცა უკრაინაში პირველი გეი აღლუმის ჩატარების თაობაზე და ოფიციალურ მიზეზად უსაფრთხოება დაასახელა.