საქსტატმა 2016 წლის მეორე კვარტლის ეკონომიკური ზრდის მაჩვენებელი გამოაქვეყნა. სტატისტიკის ბიუროს ცნობით, 2016 წლის მეორე კვარტალში საქართველოს ეკონომიკა წინა წელთან შედარებით 3%-ით გაიზარდა. ამ პერიოდში საქართველოს ეკონომიკის ზომამ 8 მილიარდი ლარი შეადგინა.
საქსტატმა ეკონომიკური ზრდის მონაცემები სექტორების მიხედვით გამოაქვეყნა, აღნიშნულ პერიოდში მაღალი ეკონომიკური ზრდა სამთომომპოვებელ სექტორში - 24% და მშენებლობის სექტორში - 12% დაფიქსირდა. შედარებით დაბალი ზრდა იყო ჯანდაცვაში - 1% და სოფლის მეურნეობაში -1.7%. ეკონომიკის ორ - ტრანსპორტისა და ვაჭრობის - სექტორში კი ბრუნვის შემცირება დაფიქსირდა, შესაბამისად, ამ სექტორების ზომა წინა წელთან შედარებით შემცირდა.
ყველაზე სწრაფად მზარდი სექტორების ხუთეული:
- სამთომომპოვებელი მრეწველობა - 24.1%
- მშენებლობა - 12.8%
- ფინანსური შუამავლობა - 9.8%
- საფინანსო სექტორი - 9.4%
- შინამეურნეობების საქმიანობა - 9.5%
ყველაზე ნელა მზარდი სექტორების ხუთეული:
- ტრანსპორტი - (-5.8%)
- ვაჭრობა - (-2.8%)
- ენერგეტიკა - 0.3%
- ჯანდაცვა - 1%
- სოფლის მეურნეობა - 1.7%