კრიმინალური პოლიციის საერთაშორისო ორგანიზაცია ინტერპოლის პრეზიდენტად ჩინეთის სახალხო უშიშროების მინისტრის მოადგილე მენ ჰუნვეი აირჩიეს. ვიცეპრეზიდენტი კი რუსეთის ინტერპოლის ეროვნული ბიუროს ხელმძღვანელი, გენერალ-მაიორი, ალექსანდრ პროკოპჩუკი გახდა.
РИА Новости-ს ცნობით, ასამბლეაზე პროკოპჩუკის კანდიდატურას ხმა 127-მა დელეგატმა მისცა, მის წინააღმდეგ ხმა 10-მა ადამიანმა მისცა, 8-მ კი არჩევანის გაკეთებისგან თავი შეიკავა.
ინტერპოლი 1923 წელს არის დაარსებული და მის შემადგენლობაში ამჟამად 190 ქვეყანაა გაერთიანებული. ინტერპოლის პრეზიდენტს 4 წლის ვადით ირჩევენ.
