სამშენებლო კომპანია Alliance Group ბათუმში ააშენებს 54-სართულიან შენობას, სადაც პირველ 12 სართულზე Marriott-ის სასტუმრო განთავსდება.
ახალი პროექტის შესახებ კომპანიის დამფუძნებელმა აკაკი სონგულიამ Property Georgia-სთან ისაუბრა. ეს საქართველოში მერვე, ხოლო ბათუმში კი მეორე Marriot-ი იქნება.
Alliance Group-ი 54-სართულიან შენობას 2020 წელს დაასრულებს, 160-ნომრიანი სასტუმროს გახსნა კი 2021 წელს იგეგმება. ბათუმის ახალი Marriot-ის მმართველი ამერიკული "მაქინერი ჰოსფითალითი ინთერნეშენელი" იქნება. "ალიანს ჯგუფი" პროექტში $80 მილიონის ინვესტიციას ახორციელებს.
ბათუმის პირველ Marriot-ის პროექტსაც Alliance Group-ი აშენებს და ის 2019 წელს გაიხსნება.
საქართველოში Marriot-ის და მისი კუთვნილი ბრენდების სასტუმროები შემდეგია:
- თბილისი მარიოტი
- ქორთიარდ მარიოტი თბილისში
- ქორთიარდ მარიოტი ბათუმში (მშენებარე)
- ავტოგრაფ კოლექშენი - სოლოლაკზე (მშენებარე)
- ავტოგრაფ კოლექშენი - თავისუფლების მოედანზე (მშენებარე)
- პარაგრაფი - შეკვეთილში (გაზაფხულზე გაიხსნება)
- მოქსი - თბილისში (მშენებარე)