რუსეთში, ქალაქ კემეროვოში, სავაჭრო-გასართობ ცენტრში გაჩენილი ხანძრის შედეგად, სულ მცირე, 64 ადამიანი დაიღუპა. ოფიციალური პირების ცნობით, მათი უმეტესობა, სავარაუდოდ, ბავშვია. დაკარგულად ითვლება 27 ადამიანი.
ცეცხლი ცენტრში კვირას, დაახლოებით 17:00 საათზე, ზედა სართულებზე გაჩნდა. მსხვერპლთა დიდი ნაწილი ამ დროს კინოდარბაზში იმყოფებოდა.
ტვიტერზე გავრცელდა ვიდეოები, რომელშიც ჩანს, რომ ადამიანები შენობის ფანჯრებიდან ხტებინ.
600-ზე მეტი მეხანძრე ცეცხლის ჩაქრობას 18 საათზე მეტი ხნის განმავლობაში ცდილობდა.
მომხდარზე გამოძიება დაწყებულია, სამართალდამცველებმა ცენტრის მენეჯმენტის წარმომადგენლები დაკითხეს.
ქალაქი კემეროვო, რომელიც რუსეთში ქვანახშირის ერთ-ერთი მსხვილი მწარმოებელია, მოსკიდან 3 600 კილომეტრის მანძილზე მდებარეობს.
