იტალიის ქალაქ გენუაში საავტომობილო ხიდის ჩანგრევის შედეგად მინიმუმ 35 ადამიანი დაიღუპა, დაახლოებით 16 - დაშავდა. 12-მდე ადამიანი კი, დაკარგულად ითვლება. სამაშველო ღონისძიებები ამ დრომდე გრძელდება.
იტალიის საპორტო ქალაქ გენუაში საავტომობილო ხიდი გუშინ ჩაინგრა. ათობით ავტომანქანა 45 მეტრის სიმაღლიდან გადავარდა. წინასწარი ინფორმაციით, მომხდარის მიზეზი საინჟინრო კონსტრუქციის არამდგრადობა გახდა.
