თბილისში დაგეგმილ "აბრეშუმის გზის ბიზნეს-ფორუმთან" დაკავშირებით, სატრანსპორტო გზის გარკვეულ მონაკვეთებზე ავტომანქანების მოძრაობა აიკრძალება.
შინაგან საქმეთა სამინისტროს ცნობით, 22 ოქტომბერს, 18:00 საათზე გადაიკეტება რესპუბლიკის მოედანი. ელბაქიძის ქუჩიდან მომავალი ავტოტრანსპორტი მოძრაობას გააგრძელებს ფილარმონიის მიმართულებით, ხოლო ფილარმონიის მიმდებარე ტერიტორიიდან ავტოტრანსპორტი ვერ მოხვდება ელბაქიძის ქუჩაზე - სატრანსპორტო ნაკადი მოძრაობას თავისუფლების მოედნის მიმართულებით შეძლებს.
უწყების ცნობითვე, საჭიროების შემთხვევაში, პატრულ-ინსპექტორები მძღოლებს ალტერნატიული მარშრუტების შესახებ ადგილზე მიაწვდიან ინფორმაციას.
ამასთან, გუშინ ღამე უკვე გადაიკეტა შოთა მესხიას, ვასო აბაშიძისა და რევაზ ლაღიძის ქუჩები.