ოდესის გუბერნატორი მიხეილ სააკაშვილი ამბობს, რომ საქართველოში არსებული ხელისუფლების არჩევნების გზით შეცვლის შემდგომ ის საქართველოში დაბრუნდება და გამარჯვებულ ძალას დაეხმარება, თუმცა ის უკრაინული პოლიტიკური სივრცის დატოვებას არ გეგმავს. სააკაშვილი დარწმუნებულია, რომ საპარლამენტო არჩევენბში ერთიანი ნაციონალური მოძრაობა გაიმარჯვებს.
"დარწმუნებული ვარ გამარჯვებაში, ამაში საერთოდ ეჭვიც არ მეპარება. არის ორი ძალა, ერთი უკავშირდება ბიძინა ივანიშვილს, მეორე მიკავშირდება მე. არ არსებობს ამ ეტაპზე მესამე არაფერი. ეს მე მაკისრებს განსაკუთრებულ პასუხისმგებლობას და კიდევ ერთხელ ვიმეორებ, როგორც უკრაინაში არ მივილტვი თანამდებობისკენ, მე დღეს საქართველოში არაფრისკენ არ მივილტვი. ჩემი ამოცანა არის, რომ რადგან ასე ჩამოყალიბდა ხალხის თვალში, ან ეს რუსი ოლიგარქი ან ის რასთანაც მე ვარ დაკავშირებული, მე თვითონ ვიყო ბევრად უფრო უკეთესი ვიდრე ოდესმე. როგორც იგეგმება და როგორც ყველაფერი გათვლილი გვაქვს, ეს არჩევნები ჩავამთავროთ, მოვიგოთ, მერე ჩამოვიდე, დავსხდეთ და დავეხმაროთ იმ ხალხს, იმ ჯგუფს, რომელიც გაიმარჯვებს." - P.S.-თან საუბარში ამბობს მიხეილ სააკაშვილი.
