თბილისის საქალაქო სასამართლომ დააკმაყოფილა პროკურატურის შუამდგომლობა და დეკანოზ გიორგი მამალაძის საქმეზე წინასასამართლო სხდომა 5 მაისამდე გადადო.
ბრალდების მხარეს სხდომის გადადება ერთი თვით დამატებითი საგამოძიებო მოქმედებების ჩატარების მოტივით სჭირდებოდა. სხდომა 5 აპრილამდე უნდა გამართულიყო.
დღეს 17:00 საათზე კი საქალაქო სასამართლო განიხილავს დაცვის მხარის შუამდგომლობას დეკანოზისთვის თავისუფლების აღკვეთის შეცვლასთან დაკავშირებით.
დეკანოზი გიორგი მამალაძე მკვლელობის მცდელობისთვისაა დაკავებული.