თბილისის 206-ე საბავშვო ბაღის მეორე სართულიდან ბავშვი გადმოვარდა.
ინფორმაციას ამის შესახებ ადასტურებენ ბაღების მართვის სააგენტოში.
"არაფერი არ ვიცი გარდა იმისა, რომ მეორე სართულდან გადმოვარდა. ინგოროყვას კლინიკაშია გადაყვანილი, ბავშვის მდგომარეობა არ არის კრიტიკული", - ამბობს უწყების პრესსამსახური ტაბულასთან.
რაც შეეხება ბავშვის ჯანმრთელობის მდგომარეობას, ინგოროყვას კლინიკაში ტაბულას უთხრეს, რომ ამ ეტაპზე მიმდინარეობს დიაგნოსტიკა და პასუხი ამის შემდეგ გახდება ცნობილი.