მეტროსადგურ "თავისუფლების მოედანთან" ორი ადამიანი, სავარაუდოდ, ცივი იარაღით დაჭრეს. ინფორმაციას ამის შესახებ შინაგან საქმეთა სამინისტრო ადასტურებს.
შსს-ს ცნობით, ჯერჯერობით დაუდგენელმა პირმა 1989 წელს დაბადებულ გ.ს.-სა და 1998 წელს დაბადებულ ა.ხ.-ს, სავარაუდოდ, ცივი იარაღით სხეულზე დაზიანებები მიაყენა. უწყების ინფორმაციით, ორივე პირი სასწრაფო სამედიცინო დახმარების ბრიგადამ კლინიკაში გადაიყვანა.
სამინისტროსვე ცნობით, პირველადი ინფორმაციით, მათ სიცოცხლეს საფრთხე არ ემუქრება.
გამოძიება მიმდინარეობს სისხლის სამართლის კოდექსის 19-108-ე მუხლით, რაც განზრახ მკვლელობას გულისხმობს და ითვალისწინებს თავისუფლების აღკვეთას, ვადით 7-დან 15 წლამდე.
შსს-ს ცნობით, დამნაშავის დადგენისა და დაკავების მიზნით ოპერატიულ-საგამოძიებო მოქმედებები მიმდინარეობს.
შსს
მეტროსადგურ "თავისუფლებასთან" ორი ადამიანი, სავარაუდოდ, ცივი იარაღით დაჭრეს
