ტაილანდში მაშველებმა დატბორილი მღვიმეებიდან ბავშვების გამოყვანის ოპერაცია დაიწყეს.
სამაშველო ოპერაციაში 13 უცხოელი მყვინთავი და ტაილანდის საზღვაო ფლოტის 5 მყვინთავი იღებს მონაწილეობას. ოფიციალური ინფორმაციით, სამაშველო ოპერაცია 2-დან 4 დღემდე შეიძლება გაგრძელდეს. თითეული მოზარდთან ერთად გამოსვლისას ორი მყვინთავი იქნება და პირველი ადამიანის გამოყვანას დაახლოებით 11 საათი დაჭირდება.
12 ფეხბურთელი, რომელთა ასაკი 11-დან 16 წლამდეა და მათი 25 წლის მწვრთნელი, რომლებიც ტაილანდის და მიანმარის საზღვართან მღვიმეების კომპლექსში ორი კვირის წინ დაიკარგნენ მაშველებმა 6 დღის წინ იპოვეს.
სამძებრო სამუშაოებს მღვიმეებში აწეული წყლის დონე ართულებდა. დაკარგულები ბრიტანელმა მოხალისე მყვინთავებმა იპოვეს, თუმცა მათ გამოყვანა ამ დრომდე შეუძლებელი იყო.