ამერიკის შეერთებულ შტატებში ერთ დღე-ღამეში კორონავირუსით ინფიცირების 18 000-ზე მეტი შემთხვევა გამოვლინდა. შედეგად, დაავადებულთა რაოდენობამ 100 000-ს გადააჭარბა. 27 მარტს ქვეყანაში კორონავირუსით 241 ადამიანი გარდაიცვალა, სულ დაიღუპა - 1,536 პაციენტი.
ბოლო მონაცემებით, აშშ-ში 2,465 ადამიანი გამოჯანმრთელდა, ხოლო აქტიური 96,036 შემთხვევიდან 2,463 პაციენტის მდგომარეობა სერიოზული ან კრიტიკულია.
ამერიკის შეერთებულმა შტატებმა ინფიცირებულთა რაოდენობით ჩინეთს ერთი დღის წინ გადაუსწრო.
