ევროპის რეკონსტრუქციისა და განვითარების ბანკი (EBRD) საქართველოში 90 მილიონი ევროს ღირებულების პროექტს დააფინანსებს.
საუბარია ელექტროგადამცემი ქსელის გაძლიერებაზე, რომელიც მოიცავს სვანეთში, 500/220/35 კვ ნენსკრას ქვესადგურის, ნენსკრა-მესტიის ელექტროგადამცემი ხაზის, 500 კვ ლაჯანური-წყალტუბოს, 220 კვ წყალტუბო-ნამახვანისა და ნამახვანი - ტვიში - ლაჯანურის ელექტროგადამცემი ხაზების მშენებლობას.
ევროპის რეკონსტრუქციისა და განვითარების ბანკთან შეთანხმება უკვე შედგა, რომლის თანახმადაც, ივნისში ხელშეკრულებას მოეწერება ხელი, შემდეგ კი პროექტის შემსრულებელი კომპანიის შესარჩევად ტენდერი გამოცხადდება.
