საქართველოში კორონავირუსით 23-ე პაციენტი გარდაიცვალა, ეს ბოლო 24 საათში COVID 19-თან დაკავშირებული მესამე ლეტალური შედეგია. გარდა ამისა, აფხაზეთიდან გადმოყვანილი კიდევ ერთი ინფიცირებული გარდაიცვალა 20 სექტემბერს.
"სამწუხაროდ, დაემატა. იყო ძალიან მძიმე ავადმყოფი, გადმოყვანილი ასევე არაკონტროლირებადი ტერიტორიიდან და მკურნალობდა თბილისში, ერთერთ საავადმყოფოში". – თქვა საკოორდინაციო საბჭოს სხდომის დასრულების შემდეგ დაავადებათა კონტროლის ცენტრის დირექტორმა, ამირან გამყრელიძემ.
საქართველოში კორონავირუსის 3913 შემთხვევაა დადასტურებული, აქედან 23 პაციენტი გარდაიცვალა, ხოლო 1574 გამოჯანმრთელდა.