საქართველოს მთავარი პროკურატურა ცენტრალურ საარჩევნო კომისიას ოფიციალურ წერილს უგზავნის და 2010 წლის საპრეზიდენტო არჩევნებზე, უკრაინაში დამკვირვებლის სტატუსით გამგზავრებულთა სიას სთხოვს.
"შემოსულია ცესკო-ში მთავარი პროკურატურიდან წერილი. ისინი ითხოვენ ინფორმაციას თუ ვინ წავიდა საქართველოდან 2010 წლის უკრაინის საპრეზიდენტო არჩევნებზე დამკვირვებლის სტატუსით. ჩვენ ეს ინფორმაცია უნდა მოვამზადოთ და გავაგზავნოთ" - უთხრა ტაბულას ცესკოს პრესსპიკერმა ეკა აზარაშვილმა.
ტაბულა პროკურატურასთან დაკავშირებას და უწყებისგან განმარტების მოპოვებას ცდილობს იმასთან დაკავშირებით თუ რის საფუძველზე და რა მოტივაციით ითხოვენ ზემოთაღნიშნულ ინფორმაციას.