ერთიანი ნაციონალური მოძრაობა ხელისუფლებაში დაბრუნების შემთხვევაში, მოსახლეობას ფინანსური დახმარების გაზრდას პირდება. ამის შესახებ ენმ-ის ანტიკრიზისულ გეგმაში წერია, რომელიც პარტიამ დღეს ექსპერტებს წარუდგინა. ენმ-ის განმარტებით, სახელმწიფოსგან დღეს არსებული რაიმე სახის დახმარების მიმღებ ადამიანებს მდგომარეობა არ უუარესდებათ, 1 000 000 ადამიანს კი - გაუუმჯობესდება.
"300 000 ხელმოკლე პენსიონერსა და მათი ოჯახის წევრებს 50%-დან 100%-დე გაეზრდებათ ფინანსური მხარდაჭერა მიზნობრივი დახმარების ხარჯზე. 100 000-ზე მეტი გაჭირვებული ოჯახის ჯამური ფინანსური დახმარების საშუალო მაჩვენებელი წელიწადში 10 000 ლარს მიაღწევს.
დამატებით 100 000 ხელმოკლე ოჯახი კი, წელიწადში საშუალოდ 4 000 ლარის ოდენობის ფინანსური დახმარებას მიიღებს" - წერია ნაციონალური მოძრაობის ანტიკრიზისულ პროგრამაში.