საქართველოს მასშტაბით ერთიანი ეროვნული გამოცდები მიმდინარეობს. 11 ქალაქში გახსნილ 19 საგამოცდო ცენტრში აბიტურიენტები ქართული ენისა და ლიტერატურის გამოცდას აბარებენ.
გამოცდების ეროვნული ცენტრის დირექტორის მაია მიმინოშვილის ინფორმაციით, რეგისტრაციის პროცესი 19-ვე საგამოცდო ცენტრში ზუსტად 09.00 საათზე დასრულდა. 9:00 საათზე დაიწყო საგამოცდო დროის ათვლა. აბიტურიენტებს ქართული ენისა და ლიტერატურის ტესტისთვის განკუთვნილი აქვთ 4 საათი. მეორე ნაკადის რეგისტრაცია 14:00 საათზე დაიწყება. დღეს ტესტირებას 20 000-მდე აბიტურიენტი გაივლის. ამავე რაოდენობის აბიტურიენტი გამოცხადდება ხვალ. მაია მიმინოშვილმა იმედი გამოთქვა, რომ წელს წინა წლებთან შედარებით უკეთესი შედეგი იქნება.
6 ივლისიდან აბიტურიენტები გამოცდებს ზოგად უნარებში ჩააბარებენ. საგამოცდო პროცესი საქართველოს მასშტაბით 22 ივლისს დასრულდება.
ერთიანი ეროვნული გამოცდები პირველად 2005 წელს ჩატარდა.