რომ გითხრათ, მეწყინა ივანიშვილის პირად მთავრობას ღარიბაშვილი რომ არ წარმოადგენს-მეთქი, მოგატყუებთ. ეს ადამიანი არ შეეფერებოდა დაკავებულ თანამდებობას და არც საჯარო მოხელის მინამალურ სტანდარტს არ აკმაყოფილებდა. ევროკავშირთან ასოცირების ხელშეკრულების იდეის ავტორმა, შვედეთის ყოფილმა პრემიერმა, ღარიბაშვილის დასახასიათებლად ასეთი სიტყვები იხმარა - დემოკრატიული წესიერების მიღმა. ეს იყო ამ პოლიტიკოსის ყველაზე ზუსტი დახასიათება. მოდით, სიმართლე ვილაპარაკოთ, რომელიც ყველამ ვიცით - ღარიბაშვილს არსად წასვლა არ გადაუწყვეტია, ამ დონის გადაწყვეტილებებს ქვეყანაში ბიძინა ივანიშვილის იღებს. ისაა ამ ქვეყნის რეალური მმართველი. გიორგი კვირიკაშვილმა კარგად იცის, რომ ისიც ივანიშვილის დანიშნულია. შემდეგი სიმართლე არის ის, რომ ეს უმრავლესობა, რომელიც მას დღეს დაამტკიცებს, მხარს მხოლოდ იმიტომ დაუჭერს, რომ ბიძინა ივანიშვილს სურს ასე. პატარა წინააღმდეგობის შემთხვევაშიც კი, თქვენ დაკარგავთ ამ პოლიტიკური გუნდის მხარდაჭერას. სრული სიმართლეა ისიც, რომ ქვეყანა არასწორი მიმართულებით მიდის. ყველა კვლევით, გამოკითხვით ეს დასტურდება. ამას არც სჭირდება კვლევები, ეს სახეზეა - შემბრძანდით ბაზრობაზე, შედით მაღაზიაში, დაელაპრაკეთ ხალხს, გაუარესდა თუ გამოკეთდა მათი მდგომარეობა. ისინი გიპასუხებენ სიმართლეს. როდესაც ჩვენ ამ ადამიანებს ვეუბნებით, რომ მდგომარეობა კარგია, ეს ცინიზმია.
tbl.ge/sl1
დაკოპირდა
ფრაქცია ერთიანი ნაციონალური მოძრაობის თავმჯდომარე გიორგი გაბაშვილი რიგგარეშე სხდომაზე.
ამავე თემაზე
- ბაქრაძე: ბახტაძის მიერ წარდგენილი გეგმა ვერ პასუხობს საზოგადოებრივ მოლოდინს
- რომან გოცირიძე: ჩვენ გვეყოლება ახალგაზრდა პრემიერმინისტრი ძველმოდური იდეებით
- დავითაშვილი: სამინისტროს გაყოფა, ამ ეტაპზე არ არის მიზანშეწონილი
- პრემიერმა მინისტრთა კაბინეტის ახალი წევრების დანიშვნის ბრძანებას ხელი მოაწერა
- მინისტრობის კანდიდატებს პარლამენტში ხვალაც მოუსმენენ