ამერიკის შეერთებული შტატების ელჩი რიჩარდ ნორლანდი ფინანსთა მინისტრ ნოდარ ხადურს შეხვდა.
„გარდამავალ პერიოდში ამერიკის შეერთებული შტატები საქართველოს ფინანსურ სტაბილურობას მხარს უჭერს. კმაყოფილები ვართ მიმდინარე პროცესით“, - განაცხადა შეხვედრის დასრულების შემდეგ ნორლანდმა.
მისი თქმით, ეს იყო კარგი საშუალება უკეთ გასცნობოდა ფინანსთა სამინისტროში მისულ ახალ გუნდს.
ნორლანდმა აღნიშნა, რომ ერთ-ერთი მნიშვნელოვანი პროექტი, რომელსაც აშშ საქართველოში მხარს უჭერს და ახორციელებს, ათასწლეულის გამოწვევის პროგრამაა.