რუსეთსა და ოკუპირებულ აფხაზეთის შორის გაფორმებული ე.წ. მოკავშირეობისა და სტრატეგიული პარტნიორობის შესახებ ხელშეკრულება საქართველოს სუვერენიტეტისა და ტერიტორიული მთლიანობის დარღვევაა, - ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა ფედერიკა მოგერინიმ განაცხადა.
მოგერინის განცხადებით, ეს საერთაშორისო სამართლის პრინციპების უხეში დარღვევაა და ეწინააღმდეგება რუსეთის საერთაშორისო ვალდებულებებს, მათ შორის - 2008 წლის 12 აგვისტოს შეთანხმებას.
„ევროკავშირი კვლავაც საქართველოს სუვერენიტეტისა და ტერიტორიული მთლიანობის მტკიცე მხარდამჭერად რჩება“, - ნათქვამია მოგერინის განცხადებაში.