ქრონიკა პლიუსის მიერ მოპოვებულ ფარულ აუდიჩანაწერში, სადაც სავარაუდოდ ყოფილი მინისტრები, ირაკლი ოქრუაშვილი და ვალერი ხაბურძანია მათ შორის ივანიშვილის ხელისუფლებაში მოსვლაზე საუბრობენ, ოქრუაშვილი ხაბურძანიას წყაროზე დაყრდნობით უყვება, რომ პოლიტიკაში მოსვლის შესახებ განცხადების გაკეთაბამდე რამდენიმე თვით ადრე ივანიშვილი მოსკოვში კონსულტაციებს გადიოდა. ქრონიკა პლიუსის მთავარი რედაქტორის, ელისო კილაძის განცხადებით, ჩანაწერი 2011 წლის იანვრარში გაკეთდა. ეს ირიბად დაადასტურა ვალერი ხაბურძანიამაც რუსთავი 2-ის პირდაპირ ეთერში.
"მე ბიძინას თემაზე აქ საკითხი როგორ დავუყენე, იცი? მაგის დედა ვატირე, ტიპი წამოსულია, არ ვიცოდი, აქ იყო თუ არა, უფრო ვფიქრობდი, რომ საფრანგეთში იყო, საფრანგეთში ერთიორჯერ ამერიდა, პრინციპში არც მე არ მომიკლია თავი ნამეტანი შეხვედრაზე, მაგრამ შევიტყვე რომ ბოლო პერიოდი აქტიურად მოძრაობდა, თვითონ იმათაც მითხრეს, იქაურმა „რაზვედჩიკებმა".
ამათ ვუთხარი, რომ გამოსულია-მეთქი ქვეყნიდან, „კაკ რაზ" ეს გინებები რომ დაიწყო, განცხადებები რომ მოაყარა, მაისის ამბები ჩავლილი იყო, მოდის ტიპი და მეუბნება - აქ არის მოსკოვშიო, „დავაი" - მე ვუთხარი, თუ აქ არის, მაგაზე კაი შანსი რა გინდათ ძმაო, ხოდა შევაწუხოთო ჩვენო, ცოტა ზემოდანაც არ მოგვცეს შეწუხების ბოლომდე საშუალება და თვითონაც აირიდა თემაო, წავიდა უკვეო, მე ვიფიქრე, მეთქი ან ამათ რომ აუტალახეს თავის რაღაც წინ საქმეებზე, შეიძლება უკან დაიხიოს, ამას მე გიყვები, დაახლოებით, წავიდა სადაც თქვეს, ივნისის ბოლოს, რაც ნიშნავს იმას, რომ ტიპმა აქ რაღაც მილაპარაკა, აქ ადგა და წავიდა. თუ ახლა უცბად სამ თვეში, ოთხ თვეში, განცხადება მოაყოლა ორი რაღაცაა, რა, ან ესენი არიან, ან მიშა, ან მიშასთან შეთანხმებით არის, ესენი არიან „პროსტო", ისე, რომ ახლა რა ყ..ეობაც მე გავაკეთე არავისთან არაფერი მოლაპარაკება არ მქონია, გამოვვარდი და ისე ვთხლიშე, ეგეთ რამეს ეგ არ გააკეთებს, მინიმუმ, ამათთან მაინც გაარკვევდა თუ მიშაზე დარტყმას აპირებდა", - აცხადებს ოქრუაშვილი ჩანაწერში.
